Aquilee

Home Trois Troi Furlan Prime tape Aquilee

Ae citât di Aquilee cun cuasi vincjedoi secui di storie al è facil ricognossi tantis vitis e une molteplicitât di vicendis sucedudis intai timps. E je stade par secui il massim centri politic, aministratîf, religjôs, economic e artistic di dutis lis tieris tra l'Adriatic e lis Alps e di dutis lis ints dulintor.

Aquilee e je duncje ocasion e strument par capî une civiltât, une culture dal dut particolâr. Si sint i antîcs precedents culturâi (venits o celtis) ma si scuvierç la funzion vude de culture romane e duncje di tantis altris imissions (gjermanichis, slavis).

La linie che e racuei in unitâts dutis chestis fuarcis e je stade rapresentade dal patriarcjât di Aquilee. Il patriarcjât intal passât al è stât une istituzion, vuê e continue a jessi un mût di jessi e di vivi cun segns palês in tantis regjons, de Stirie ae Lombardie, de Istrie al Tirôl.