Ruttars: cjistiel di Trus

Home Trois Troi Furlan Tierce tape Rutârs Foto 2

Il cjistiel al è citât pe prime volte intal 1257 cuant che, abandonât di Gislart di Frate, so siôr, par vie dai atacs di Mainart cont di Gurize, al ven incendiât e ricostruît intal stes an. Za dal 1279 a son proprietaris i siôrs di Spilimberc e intal 1364, dilunc de invasion dal Friûl par opare di Ridolf IV di Austrie, al è ricuardât l'assedi dal cjistiel de bande dai Udinês.

I Spilimberc a risultin siôrs di Trus fin al 1869. De part antighe a restin lis dôs tors a Ovest e la grande muraie; chês altris costruzions a son plui resintis; dopo agns di abandon al è stât infin ristruturât e cumò al è doprât tant che locâl public.