Puriessim: la roche

Home Trois Troi Furlan Cuarte tape Puriessim Foto 3

La zone là che cumò si cjatin lis ruvinis dal cjistiel di Grunemberc e je stade simpri, dilunc dai secui, di grande impuartance strategjiche pal control dal teritori.

Di fat fint de epoche preistoriche, il pont di confluence fra il flum Nadison e il so afluent Arbulon, al è stât ocupât des popolazions presintis inte val stant che lis carateristichis de zone a siguravin vantaçs impuartants:

• Disponibilitât di aghe ilimitade: sfrutament dai doi flums tant che mieç di traspuart e font par procurâsi di mangjâ.
• Control visîf sedi de val bande il confin che de planure.
• Pussibilitât di domandâ paiament di dazis pal passaç dal vât.

Il cjistiel al comparìs intun document intal 1160 cul non Grunenberg.