Puriessim

Home Trois Troi Furlan Cuarte tape Puriessim

A Puriessim si conte che, tant e tant timp indaûr, il paîs no si clamave cussì, al jere dome che une piçule vile fûr Cividât cence non. Al sucedè che un an e fos une infestazion di pulçs, ma no i solits pulçs: a jerin une vore e tant ferbints. I abitants no rivavin a lavorâ, a mangjâ, a durmî cun trancuilitât. Alore a àn decidût di cjapâ un grant sac e ti racueiju ducj li dentri.

I àn metût tant timp, ma a son rivâts. A àn leât ben il sac e lu àn traspuartât dongje dal cjistiel. Passât cualchi dì, però, i pulçs a àn tornât a scomençâ a tormentâ la int.

Alore doi di lôr a son lâts fin sul cjistiel par verificâ che no si fos viert il sac. Leât al jere leât, sbûs nol veve, cussì a àn pronunziât la frase famose: ”E pûr, jessin” (epûr, a van fûr). Di li, si dîs, al è vignût fûr il non di Puriessim.